U Symbood Montri Rangbah, uwa pait leh yaka chnat PWD (R), u Prestone Tynsong da pyntip u wa i leh sorjamin namo ka Survey yow chna sarok 4-Lane uwa na Umiam chadooh cha Malidor deiwa lai lyngba ka West wa East Jaiñtia Hills toh kawa da lai chakhmat.
Da pyntip u wa ynnin da dep khut yaka yalang waki chnat ka sorkar deilang waka NHIDCL kawa man leh kam ka wow chimkhti yow chna ya uni u sarok uwa jrong kamwa 150-160 Km hapoh ka jylla.
Da khana u leh wa da phah ya u DC ka East wa West Jaiñtia Hills wow thung da ki District Committee ki wow emlang ki sahep sorkar yow pyntikna wa kani ka kaam toh kawa lai bait deiwa ya krehlang ka chnat PWD, Forest, Revenue, Agriculture næ kiwon kiwon ki chnat kiwa daw embynta hei chna ya uni u sarok. Da pyntip u leh wa kam kani ka Committee da em ha East Khasi Hills wa ha Ri-Bhoi District.
Kamtæ u Prestone da ong wa emkaam wa kani ka Survey u lai bait ko wei da ye wow pyndep yaka Package-1, Package-2 wa Package-3 wei ha Meghalaya em hadooh ka Package-5 wei da em i pyrkhat wow chna leh 3 tylli ki Tunnel neibynta uni u sarok wei mar ya dep u pynbait yei rukom lai uni u sarok daw sdang won sei thied thaw.
I lut yow chna ya uni u sarok dapoi ko hadooh Rs. 26,000 klur neibhah uni u sarok daw poi u chadooh cha Silchar.
Discussion about this post