Ka Bollywood Actress, ka Kareena Kapoor da yoh ko da Legal Notice na ka Madhya Pradesh High Court neidaw wa pynemkaam ko yei kyntien ‘Bible’ ha ka kot wa da thoh ko wa da e pyrtuid, “Kareena Kapoor Khan’s Pregnancy Bible: The Ultimate Manual for Moms-To-Be”.
Ka yung bichaar da phah Notice ko hadien wa u muktiar wa tip kam u Christopher Anthony da yaleh mukotduma u yow dawa e jubab ko yei rukom e pyrtuid ko yaka kot yong ka.
Ya kani ka Notice da phah neidaw wa ye u ktah yei sñiaw yong niam kiwa ngait Christan wei da paan yei pynche na ka Kareena Kapoor yei daw wa jied ko u pynemkaam yei kyntien ‘Bible’ hei pyrtuid ka kot ko.
U Christopher da yasaaid u wa i ktien ‘Bible’ toh iwa kyntang ya ki Christan ha waroh kawi ka pyrthai wei u ya pynyatoh yei pynkhon kani ka bru wa pawnaam waka Bible toh iwa khlem da burom yei sñiaw yong niam kiwi.
Ini i kaam dapoi i cha ka High Court hadien wa ki pulit deilang ki yung bichaar wa em rap hapoh ym bien ki wow pdiang yeiwa ujor deiwa ong wym em sabut wa i pyrtuid kani ka kot toh iwa bakla.
Discussion about this post