Ha ka 14 tarik uni u bnai, u Sessions Judge ka West Jaiñtia Hills District, da rai pynrem u ya u Ram Dhar hapoh ka Section 302 ka IPC heiyatoh wa ki kaam pynyap bru.
Ini toh heiyatoh waka FIR wa da e ha u Officer In-Charge, Phramer Traffic Cell da u Kynjai Hinge heiwa da ong wa haka 11-02-2015, u payu waheh u uwa tip kam u Trebor Hinge da chah pynyap u ha u Ram Labit/Dhar heipor kamwa 1:30 i sngi iwa da jia ha chnong Nangbah.
Ya kani ka FIR da phah cha Jowai Police Station wei da Register ka kam ka Jowai PS Case No. 22(2)2015, wei da pynngat ya uwa chah pynbaad hapoh ka Section 302 ka IPC, heiwa ya ka takit da leh wei da Charge Sheet da u Sub Inspector S. Pariat.
Ka yung bichaar hawa pynmih yaka hukum da phah ko wow kset waroh chi rta ya u Ram Dhar deilang waka kuna kawa Rs. 5000.
Da phah leh wow su Rs. 3 lak cha ka bei u pa uwa chah pynyap wei da phah ya ka District Legal Services Authority, West Jaiñtia Hills District yow pait ko yeini.
Discussion about this post