I takit ya u DGP u lai ko katkam ka aiñ, ong u Conrad

by Wyrta Staff

May 15, 2024

Reading Time: 2 mins read

U Montri Rangbah ka jylla, u Conrad K Sangma da ong u wa chisien wa da em ka ujor da ka FIR, ka takit u lai ko katkam ka aiñ.

Hawa jubab ynne ka sngi hawa kylli hajrong ka FIR wa da ujor u AIG warim, u GK Iangrai pyrchah ya u Director General of Police (DGP), u LR Bishnoi, u Conrad da ong u wa ka aiñ daw lai ko da ka luti yong ka hi hawa da Register ya ka FIR.

Kam wow kdaw heini wa ka FIR wa da e da u GK Iangrai da booh ha Shillong Sadar Police Station, heiwa da pynbaad u wa ka Enquiry Committee kawa da thung ha ka 18-07-22, ha ka bui (Report) wa da thoh ha ka Para 1 yong ka sla 3 da ong wa kawi ka Hyundai Verna kawa pynyieñ ha Central Workshop toh ka wym em Number tangwa ka RTI da chem ko wa da Register waka chnat Transport wei ya uni u jooh u Number da pyndait ha ka kari wa pynemkaam da u DGP ka KIA Carnival iwa man pyrchah ya ka aiñ.

Kam wow pynkynmoo wa u DGP wa katni u chong-ngiah u haka 19 tarik uni u bnai.