Hadien wa chah hiar thma ki khynnah puræ na kiwi ki ri hapoh ka nongbah Bishkek, Kyrgyzstan, neiliang ka Indian Embassy wa em ha ri Kyrgyzstan da kyntu ko ya kiwa lai puræ wow chong hapoh yung wei wow yaklam wa ka Indian Embassy.
Ka Indian Embassy da booh ko leh ya u Helpline Number ya kiwa napoh ka ri deiwa kyntu ya ki wow man kiwa jai-jai wei wow Phone cha ka Embassy heiwon iwon i por ha u 0555710041.
Kam wow kdaw heini ki damok wa em dei yonglang da sdang ki wow dat u bom ya kiwa na baar ri ha Bishkek nadooh ynnin i janmiet wei da em leh ka khubor kawa da ong da em kiwa da yap kiwa na Pakistan.
Ka Pakistan Embassy ha Kyrgyzstan leh da ong ko wa da joor i chah hiar thma kiwa na baar ri nadooh ynnin i janmiet wei ini ye i u man nei poor i Video wa yachoh hapyrdi ki khynnah na Kyrgyzstan wa ki khynnah puræ Doctor na Egypt ha ka 13 tarik uni u bnai.
U Montri ki kaam baar ri ka India, u S. Jaishankar ynne da ong u wa da booddien u yei bha i miat ki khynnah na India ha kani ka nongbah wei da kyntu u ya ki wow yaklam wa ka Indian Embassy.
Heijooh i por da em leh ki Hospital ki skurbah ha Bishkek kiwa da chah hiar thma kamjooh leh ki thaw sah kiwa lai puræ na kiwi ki ri.
U Montri Rangbahdooh ka Pakistan, u Shehbaz Sharif da phah u ya u Ambassador ka Pakistan wow yarap pura ya ki khynnah puræ wa em ha kani ka ri.
Discussion about this post