Ki chipai ka 172 Bn BSF Meghalaya haka 14 tarik uni u bnai da yoh ki wow kem yei chini wa da thmu wow chalan tooh cha Bangladesh wei da kem leh ya ar ngut ki nong India ha thaaiñ Kuliang ha khappood ka Bangladesh wa East Jaiñtia Hills District.
Yei chini da yoh wow kem na kawi ka Truck kawa da kit 13,000 Kg ini i chini kawa da wan na Kalain hapoh ka Cachar District ka Assam kawa da lai cha ki thaaiñ khappood ka Kuliang. Hawa kylli takit ya kini, neiliang uwa yah kari kamjooh uwa yarap ym ye ki wow pynyoo kiwon kiwon ki kot ki sla wow pynsakhiat wa yeini da leh katkam ka aiñ, kamtæ da kem ya waroh ar kiwa tip kam u Rahimuddin uwa na Karimganj District wa u Tazimul Hussain uwa na Cachar District ka Assam.
Ya ki masi won da kem da ki BSF wa em ha MCP Sonapur heiwa ya kini ki masi kiwa 6 tylli da kit da ar tylli ki kari Alto dei thmu wow chalan tooh cha Bangladesh.
Ha ini wa jia, uwi na kiwa yah kari da yoh laad u wow yut katwa uwi won da yoh u kem oo.
Yei chini deilang ki masi wa da yoh u kem kamjooh ki bru da e kti ha ki pulit ka Umkiang yow leh ki yeiwa emkaam.
Discussion about this post