Cha kiwi ki jylla da jubab ka NTA tangwa yei klumar i yaleh NEET ha Meghalaya ym pu em

Heiyatoh wa i klumar hawa pynman ya ka NEET ha Jowai wa ha Nongpoh heiwa da em ym duna ya 500 ngut ki khynroo khyllood wa yaleh ya kani ka Exam ha kini ki ar tylli ki thaw kiwa da dooh mynsien hadien wa jia ini hawa pyrkhat ki ya ka mynried yong ki.

Neiliang ka JSU wa KSU deilang wa kini kiwa yaleh Exam da thoh ki cha ka NTA kawa pynman ya kani ka Exam yow paan pynche tangwa kattu la kamwa ar tayaaw ym pu yoh jubab iwa da pynneh hei doom ya ki khynroo khyllood.

Ha ka yalang wa dang dep pynman ha kini ki sngi ha Jowai wa da emlang kiwa yaleh NEET deilang ki bei ki pa yong ki deilang wa kiwa yahkhmat ki ar seiñ, da mih i sur wow beiñ joor ya ka sorkar jylla neibhah da ong ki wa cha kiwi ki jylla kam ha Telangana wa cha kiwi de da yoh jubab ki na ka NTA hajrong i thurmur i rukom pynman ya ka NEET tangwa ka sorkar jylla yong i wot hadooh katni leh ym pu yoh jubab ko na ka NTA.

Related posts

U e wai ka sorkar yei thaw wa heh 19.99 Acre cha ka Northeast United FC yow booh ko ya ka Football Academy

October 27, 2026

U thied ka sorkar ya ki hali ha Mawkhanu ha i dor Rs 13.78 klur neibynta ka Knowledge City

October 27, 2026

Kamtæ ha kani ka yalang da dawa deiwa eh ya ka sorkar jylla wa toh ko u yaklam wa ki heh ka NTA ha Delhi hajrong wa iwa da thoh cha ka NTA wei wow jubab smat ko neibhah ka Result NEET yong uni u snem da jan mih ko.