Ka Ministry of Road Transport & Highways da ong ko wa i yah kari khlem ka Third Party Insurance toh kawa man pyrchah aiñ wei ye leh u chah pynchitom.
Kaktkam ka Section 146 ka Motor Vehicles Act, 1988 da emkaam wa waroh ki kari wa lai ha ki sarok ka India wym hoi u dam ki wow em ya ka Insurance Policy neibynta ki Third Party.
Najrong wa da man ko kawa emkaam katkam ka aiñ man ko leh kawa yarap yow man kiwa yah kari wa em i kitkhlieh neibhah ka Third Party Insurance yarap ko wow kyrchaan ya kiwa mynsoo kamjooh i pynchna wa ya iwa da sih da pra.
Kitu kiwa yah kamjooh kiwa chah u yah ya ka kari kawa khlem ka Third Party Insurance ye ki wow chah pynchitom deiwa chah kset patok.
Kini kiwa leh pyrchah, katkam ka Section 196 ka Motor Vehicles Act, 1988, hei sien wa nyngkong ye ki wow chah kset 3 bnai næ u toh da ka kuna kawa Rs. 2000 wei ye ki leh u toh pyn-ar. Lada leh pyrchah biang ye wow chah kem hadooh 3 bnai næ deilang ka kuna kawa Rs. 4000 wei ye u ngat waroh ar.
Ka Ministry of Road Transport & Highways da pynkynmoo ko ya ki tre kari wow pyntikna ki wa ka Third Party Insurance toh kawa dang im wei ymtoh u mylliñ wow pynthymme ka.
Da pynche leh wa i daiñ kuna toh u leh da ki bor sorkar kiwa da pynkupbor wow leh yeini ya kiwa yah kari khlem ka Third Party Insurance.
Discussion about this post