Ka seiñ ki karkhana pynmih khyndaw bilat kawa tip kam ka Jaintia Hills Cement Manufacturers’ Association da thoh ko cha u DC ka East Jaiñtia Hills yow pynchna smat ya u sarok NH-6 khamtam ha ki thaaiñ Umtyra uwa da sih cha palat pood.
Ini wa dep heipor wa joor u slap, da em kamwa 50-100 meter u sarok uwa da chah rah chah rong ha ka um wei kattæ u sarok wa dang hoi u pynemkaam toh uwa khian bha wei da chem chitom ki kari wa heh wow lai wei na ini i daw da wanrah yei sahkut kari wa joor bha ha uni u sarokbah.
Da ong ki leh wa ki kari ye ki wow haap cha synrang lada oor khyndaw biang wei ini dang sih i kat dang lai ki sngi wei ym em leh pynchna yeini waroh da slem bha.
Chooh chooh da ong wa ki bynta ka Lumshnong hadooh Ratacherra toh iwa da sih bha iwa khlem pynchna hanla uni u sarok man u uwa emkaam bha khamtam ya ki karkhana wa pynmih khyndaw bilat yow kit ya ki mar yong ki cha ki yaaw ki haat.
Kani ka seiñ da ong ko leh wa ini daw ktah bha i yei khih i khan ki lada ya uni u sarok ym pynchna de oo wei da emkaam wow chimkhai bha u pynchna noh ya uni u sarok yow lait u tkoh i krehkaam ki karkhana wa em hapoh ka District.
Discussion about this post