Ka India Meteorological Department, Meteorological Shillong da pyntip ko wa u slap daw joor bha u ha East Jaiñtia Ha kini ki sngi wow wan deiwa e da ka Red Alert.
Kani ka Red Alert toh neibynta ka 1 wa 2 tarik uni u bnai wei man ko leh neibynta ka East Khasi Hills wa South West Khasi Hills.
Da pyntip leh wa u slap daw joor u ha kini ki sngi wow wan ha waroh ki District ka jylla wa kynthup ya ka West Jaiñtia Hills kawa da yoh ya ka Orange Alert neibynta ka 1 tarik hadooh ka 5 tarik.
U slap ye u wow wanrah yei chlai um ki sarok, i haap i oor ki deiñ wei da kyntu ya ki paidbah wym toh u lai ki chajan ki thaw wa em ki um ki wah yow lait nei chah ktah hei oor khyndaw wa kiwi de.
Ynne da dep wow chah ktah biang u sarok ha Lumshnong hei bynta u NH-6 neidaw wa chlai um wei da khang yei lai i wan ki kari.
U slap wa joor dooh ha kini ki 24 kynta toh ha Mawsynram, Sohra, Mawkyrwat kiwa da yoh palat 400mm u slap, neitæ ha Mawphlang, Shella, Nongstoin kiwa da yoh palat 200mm.
Ha thaaiñ Khliehriat da yoh 160mm u slap.
Discussion about this post