Daw khut yaklam u Conrad ya ki seiñbhalang kiwa kynreh baar jylla, chah ktah boon ki kreh sorkar

U Symbood Montri Rangbah wa pait ya ki kaam pynroi sor (Urban), u Sniawbhalang Dhar da khut u ya ki seiñbhalang wow ya krehlang wei da pyntip u leh wa ka sorkar daw khut yaklam ko ya ki seiñbhalang kiwa da pynman yei kynreh ya kiwa kreh mylla kiwa wan na baar jylla.

Da ong u wa i kynreh ya kiwa mylla wa wan na baar jylla da ktah ko ya ki kaam wa toh u pyndep namo ki Project yong ka sorkar wot ki kaam ki bru samen.

Hawa klam ynne ka sngi, da ong u wa boi ye u em i duna heini heitai, tangwa da kyntu u wow ya pynbait. Hawa kylli da ong u wa da pyntip cha oo wa u Montri Rangbah, u Conrad K Sangma daw khut u da oo hi yow yaklam wa ki seiñbhalang wei pynrap u wa ka dwar ka sorkar wai ko neibynta wow yaklam.

U Sniawbhalang da ong u wa ki kaam mylla kiwa boon hi da kreh bait da ki tre jylla, tangwa em ki kattu katni ki kaam wa hap wow phah kreh ha ki bru kiwa na baar.  

Related posts

Siat ka Pakistan ya ka skur wa pynlai da ki Nun hadooh wa yap ar ngut ki khynnah

May 9, 2025

Phah ka Pakistan 300-400 tylli ki Drone yow siat ya ki thaw wa em ha India, pyntip ka sorkar

May 9, 2025