Ki pulit ka East Garo Hills da takit ki yei chah maham tynyap u Vlogger wa pawnaam ka jylla wa khut maya kam u Paduh iwa da jia ha ka thaaiñ Mangsang ka East Garo hadien wa mih i Video ha Social Media.
Ha ka khubor ynne ka sngi, ki pulit da ujor ki ya ka Suo Motu Case hajrong ini i chah maham u Paduh ya uwa em ka Social Media wa pyrtuid @ABfamily2024.
Ki pulit da sdang ki yei takit wow pyntikna ya ki daw yong ini wa jia wei wow tip ya kiwa emkti khnang wow ye u pynchitom ya ki katkam ka aiñ.
Ki pulit da ong ki leh wa da chimkhia bha ki yeini iwa jia wei wow pyntikna yeiwa chngaaiñ wei wow yada ya kiwa chong chnong.
Da kyntu ki leh ya ki paidbah wow krehlang ha ini i takit wei wow kiar nei pynjoor ya ki khubor hamsaya næ wow yaklam paidbah deiwa antaad donhi khnang wow lait u chah ktah i takit.
Ha ini i Video da yoo yeiwa wan uwi u bru wa da pynbaad ya u Paduh wa khut u ya ki bru kam ki chrieh wei uni u bru da ong u wa da yoo u yeini ha ka Video ha Facebook, kamtæ da maham pynyap syndon u ya u Paduh.
Discussion about this post