U moomer wow sahkynmoo heiwa ki ksaw wa da chah hikai bha na ki chnat ka Indian Central Armed Police Forces (CAPF) wa ki Special Commando Unit na India da lai ki cha France wow yarap yada ya ka Paris Olympics ka wow sdang nadooh ka 26 tarik uni u bnai.
Kini ki ksaw wa ki pulit toh kiwa na ki chnat ka CAPF kynthup ki ya ka Central Reserve Police Force (CRPF), Sashastra Seema Bal (SSB), Indo-Tibetan Border Police (ITBP), National Security Guard (NSG) wa ka Assam Rifles.
Ini man i ka sien wa nyngkong wow lai ki chipai pulit wa ki ksaw yong ki cha France.
Neiliang ka ITBP da ong ko wa nei kyrpaad ka sorkar France, ki K9 u kreh ki wow yada heipor wa man Paris Olympics 2024.
Da em 10 Team kini ki K9 kiwa da pliah wow sy’u ya ki Bomb Improvised Explosive Devices (IEDs) wa kiwi ki tiar wa maa ha ki thaw paidbah.
Chwa ini da chah hikai kini ki 10 tayaaw kyrpang neibynta ka Olympics khnang wow man kiwa da pynkhreh bha.
Da hikai leh ya kini ki pulit kammon u klam French khnang wow rap suk ki manda poi ha katai ka ri.
Kini ki K9 Team u kreh ki chirup wa ki pulit ka France wei ini pynyoo i leh yei yajan lok hapyrdi ka India wa ka France.
Discussion about this post