I kreh wow wanrah ya ki chngaaiñ ki sarok ha Assam da joor bha i khamtam hadien i tyrrah kari wa chyrkhei ha Kaziranga iwa da wanrah yei yap ki 26 ngut ki bru heiwa ka sorkar da pynmih ko chiboon ki kyndon wow bood ki paidbah wei ki pulit da pynjoor bha ki yei uiñ wow kynreh kari.
Ha kani ka kynti da mih i video wa pynyoo ya kawi ka Motor Vehicle Inspector (MVI) kawa ah challan na uwi u chipai neidaw wym em pyndait seatbelt u ha Jorhat.
Hadien wa poor ini i video ka Transport Department da hukum ko wow dam kreh chwa kani ka MVI neibynta ar sngi.
Ini da jia i ha ka 18 tarik uni u bnai ha Jorhat District Administration heiwa ka hukum da ong ko wa man iwa bakla wow e challan ya u chipai ka Indian Army wei wow klam khor ya oo.
Uni u chipai toh uwa kreh ha 41 Sub-Area ka Jorhat Military Station ha Lichubari wei da synraan ya oo da uwi tawon u chipai.
Ya kani ka Motor Vehicle Inspector da tip kam ka Samim Sultana wei katkam wa man katni da hap ko wow sangeh kreh neibynta ar sngi.




Discussion about this post