Ha ka 29 tarik uni u bnai, ki chipai ka 193 Bn BSF Meghalaya da yoh ki wow kem ya 19 tylli ki lieñ ki nong Bangladesh kiwa da chna da ki dieñ kiwa wan lyngba ka wah Jadukata hajan Ghumaghat heiwa kini ki lien da psiah ki chadooh chapoh u pood ka India yow khloh moo wei tih chyiap na ki bynta ka wah wa dang haap hapoh East Khasi Hills.
Ki BSF da ong ki wa dei chimkhia ki da ye wow wanrah yei chngaaiñ ha ki bynta khappood tangwa neipor cheipor ki nong Bangladesh da pyrchang bait ki wow psiah tooh chapoh India yow khloh moo wei tih chyiap pyrchah ya ka aiñ lyngba ki wah.
Ka BSF da dep ko wow booh ujor wa ki BGB yeini wa leh kini ki Bangladeshi kiwa psiah chapoh u pood ka India.
Ya kini ki lieñ da e kti cha ki Custom Office wa em ha Dangar, East Khasi Hills District.
Chooh chooh da pyntip wa ha ka 29 tarik da pynman ya ka yachem ki Battalion Commandant ka BSF wa BGB yow yaklam chaphang ini yow pynkhlan yei leh Patrolling na waroh arliang u pood.
Discussion about this post