Ka seiñ kawa da e pyrtuid ya idæ kam ka Yatra da lai yaleh mukotduma ko ha ka High Court ka Meghalaya ynne neidaw wym yoh NOC wow lai mane Blai ha krem Mawjymbuiñ kawa em ha Mawsynram kawa da kheiñ kam ka thaw wa man kyntang ki Hindu.
Neiliang u muktiar ka Yatra da ong u wa nadooh u snem 2011 da lai leh niam wei deiwa seiñ ya kani ka Yatra da pynman yeini da iwa pliah bha wei nadooh u snem 2011 hadooh u snem 2023 da e bor bait ki bor District wow lai leh niam wei da bood bait ya waroh ki kyndon wa da booh.
Tangwa ha uni u snem neiliang ki bor District da e bor ki deiwa ong wa hap wow yoh NOC na ka Dorbar Chnong Mawsynram wei wot hadien wa da kynjoh ktien cha ka chnong leh ym e jubab ki tangwa da tip donhi yeiwa chah kyntait manda yoo wa mih khubor.
Da ong leh wa ym em iwon iwon i thmu wow pynman ya kani ka thaw kam ka thaw mane Blai wei iwa leh donhi hapoh kani ka krem toh wow theh um ha u moo wa em heini wei ym em iwon iwon i thmu wow ktah yei sñiaw yong kiwon kiwon næ wow pynthut ya iwon iwon.
Neiliang ki muktiar ka sorkar jylla da paan por ki chi sngi wow e yei jubab.
High Court da phah ko ya ka Notice cha ka AAG wei da phah leh ya ka DC ka East Khasi Hills wow pynbait smat ya ini i kaam wei wow emlang ko hapoh ka yung bichaar mynstep ka sngi deilang wa u SP ka District heipor 2:00 waje i sngi.
Discussion about this post