U Commander Shangpliang uwa man kam uwi na kiwa chna phlim wa bna naam ka jylla kamjooh u heh ka seiñ kiwa rep kawa tip kam ka Hills Farmer’s Union da pynsñiaw u wa lada ym ye wow wanrah ya ka Ropeway Project ha Shillong neidaw wa pteiñ kiwa pyrchah, neiliang ka sorkar ye ko wow rah ya kani cha South West Khasi Hills.
Da ong u wa dadep u wow yaklam wa kiwa chong chnong wei ym em ki wow pyrchah khamtam ha chnong Tynnai kawa em hajan ka thaaiñ Ri War wei da em leh kawi ka View Point kawa ye ka Ropeway wow pynyabi ya ki 5 tylli ki chnong.
Chooh chooh da ong u wa ka South West Khasi Hills toh kawa da sdang wow khriñ ya kiwa uiñke suwari deiwa em ka Mawranglang Viewpoint, ka Mawriem, u Lum Nong Synrieh wa kiwi de.
Da kdaw u leh yeiwa jooh ong ka sorkar wow wanrah ki kaam pynroi lyngba ki kaam uiñke suwari wei ka thaaiñ South West Khasi man ko leh ka thaw kawa jooh pynemkaam Ropeway nadooh nachwa wow kit mar wei wow kit bru.
Kamtæ da ong u wa lada ye ka sorkar toh u wanrah ko ya ka Ropeway cheini neibhah ki paidbah pdiang ki najrong wa ye ko leh wow wanrah boon ki kaam ki jaam.
Lada won lai bait i chna Ropeway ha Shillong, da kyntu ya ka sorkar wow wanrah ko leh ya kawi ha South West Khasi Hills.





Discussion about this post