Mynjur ka JHADC ya ka Bill phiah Constituency hanla dang pteiñ kiwa pyrchah

Ka JHADC ynne da pdiang wei da mynjur ko ya ka “The Jaiñtia Hills Autonomous District (Constitution of District Council) (Amendment) Bill, 2024″ kawa da wanrah ynnin ka sngi ha ka dorbar wa da khut pynman kyrpang kawa da pynkut noh ynne ka sngi.

Hawa kut ka yatai hajrong kani ka Bill kawa man leh yow phiah ya ki 29 tylli ki MDC Constituency, neiliang kiwa boon ki MDC da rah kti ki wow pynman aiñ noh ya kani ka Bill.

Ha ini i yatai wa da chimbynta da kiwa boon ki MDC, neiliang u Lakhon Biam da ong u wa kammon da wanrah ya kani ka Bill hapoh ka yung dorbar wot hadooh da u CEM leh dadep ong u wym em hun u ya ka Report ka Delimitation Committee wei ini pynyoo ko wa ye u em iyi iyi ræ iyi cha kylla.

U CEM ka JHADC, u Thombor Shiwat da ong u wa ya kani ka Bill wa da wanrah toh kawa dadep mynjur ka Executive Committee kawa da biang deiwa pynrap wym ye u pynhun pynbiang ya waroh ki MDC neibhah lada toh uwi daw lait cha uwi.

Related posts

Pyrchah ka India yei thmu ka IMF wow e yarap poisa ya ka Pakistan da ki Billion Dollars

May 9, 2025

Sangeh yakhih ka MCTODA | Da e por ya ki karkhana Coke 10 sngi

May 9, 2025

Wei da ong u leh wa da e laad ya ki MDC wow thoh ki cha ka Delimitation Committee yeiwa kwah ki u pynsñiaw tangwa ka Committee toh leh u ap ko yeiwa kwah yong ki paidbah wa chong chnong.

Kamtæ da kyntu u wow pdiang ya kani ka Bill wei wow yaleh yeiwa eh wa daw wan.

U A. Andrew Sullai won da ong u wa ini wa leh man ko pyrchah ya ka aiñ neibhah kani ka Committee da kheiñ ko yei em Vote katkam ka Election MP wa dadep neibhah wot heipor wa yaleh MLA u leh em boon ki Dkhar wa em Vote kamtæ iwa leh ka Committee ym em da kheiñ du ya kiwa thap Vote ka JHADC donhi katkam wa toh u leh ki.

Neiliang u Brightstar Chyrmang da ong u wa kani ka Bill toh kawa leh tangdep wei da pyrchah u ka neidaw wa emkaam u man ko kawa janai yow lait u dooh burom ya ka Council khamtam ya ka EC wa u CEM wei da kyntu u wow phah ya ka cha ka Select Committee.

U Finelyness Bareh uwa em leh kam u EM ka EC da ong u leh wa toh u phah chwa ya kani ka Bill  cha ka Select Committee neibhah wym pu em ye u pynhun wot hapyrdi ki para MDC.