Phah ka High Court ya ka Dorbar Chnong Mawsynram wow pyrkhat biang yei khang leh niam ha krem Mawjymbuiñ

Ka Meghalaya High Court ynne ka sngi da phah ko ya ka Dorbar Chnong Mawsynram wow chong pyrkhat biang hajrong i rai yong ka chnong wym chah ya ka seiñ Yatra wow lai leh niam ha ka krem Mawjymbuiñ.

Ka High Court hawa chim bichaar ynne ka sngi ya kani ka mukotduma wa da yaleh da ka Yatra kawa man ka seiñ kiwa lai leh niam neidaw wym e bor ka chnong Mawsynram wow leh yeini, da chim rai wow chong bichaar biang yeini ha ka 14 tarik uni u bnai.

U muktiar wa mihkhmat ya ka Dorbar Chnong Mawsynram, u Adv. VGK Kynta da ong u wa uwa bichaar da kwah u wow ya pynbait deiwa suk wa saaiñ, wei da noh u ha ka dorbar chnong wow bichaar bha ya ini i kaam, wei ka dorbar chnong daw chong bichaar ko hajrong ini i kaam deiwa ya syllok wa kiwi kiwa embynta.

Da ong u wa ka High Court ym em pynslem ko wow chong bichaar biang ya ini i kaam, wei ha ka 14 tarik uni u bnai daw chong bichaar biang heipor step, wei ka dorbar chnong ha katai ka sien chong bichaar toh u lai rah ko ya ka rai.

Related posts

Dap ki Social Media da ki dur yong ki snem 1980

September 10, 2026

Dang lait 6 tylli ki Seat neibynta ka Spoken English Course-Evening Batch wa pynman ha EduCareerPoint Skills Training & Career Counselling Jowai

September 10, 2026

Da ong u leh wa ka High Court sñiawthooh ko yei mantre wei i em hok ka ka dorbar chnong hajrong katai ka thaw kamtæ da noh cha ka dorbar chnong yow bichaar.

Ynne ha kani ka chong bichaar da phah hajir leh ya ka DC wa u SP ka East Khasi Hills.