Ynnin ka sngi, u President ka FKJGP Shangpung Unit, u Pynbiang Chullet, u Assistant Discipline Secretary, u Melamki Wann, u dkhot ka Unit, u Ladmi Chullet deiwa emlang u Vice President ka FKJGP West Jaiñta Hills, u Wompher Wann, u Discipline Secretary ka FKJGP West Jaiñta Hills u Nabait Pyrkhat Ymbon da lai yachem ki ryngkat deiwa e dei thoh ya u Executive Engineer ka PWD Roads Shangpung Division yow dawa booh Speed Breaker ha ki thaw wa yoomaa u kaap chiliang cha chiliang hapoh ka chnong Shangpung khamtam ha ki bynta wa em ki yung skur.
Neiliang u EE da jubab u wa daw lai pait lai sylli u ya ki bynta wa yoomaa ha tymbud luti nadooh ki rood i kiar kamjooh ki thaw wa man synrang yow lait nei oor i haap hawa lai wa wan.
Kamtæ ka seiñ da yooluti ko wa daw ye u pynmiat pynbha chooh chooh u EE ya u sarok yow pynsuk pynmiat wei yow lait leh nei maa, pynkut ka kyrwoh na u President ka Shangpung Unit.
Discussion about this post