Chongchit ka lehkmen Independence Day ha Wahiajer

Ka lehkmen Independence Day ka Dorbar Chnong Wahiajer da man ko kawa chongchit kawa da pynman ha Wahiajer Sports Complex heiwa da wan chimbynta da kamwa 20 tylli ki skur kiwa em hapoh ka chnong Wahiajer deiwa wan sakhilang kiwa chong chnong chirup.

U CEM ka JHADC, u Thombor Shiwat da man u kam u kongsan wei da pynhær u leh ya ka lama ka ri India ha ka yalang wa da pynlai da u Chairman chnong ka Wahiajer, u Samson Lamare uwa da pdiang wei e khublei ya waroh kiwa chimbynta nadooh ki skur kamjooh ki khon ka chnong.

Da yoh leh yei klam na u Waheh Chnong ka Wahiajer, u Sanwotki Laloo, uwa da pynkynmoo kyrpang neibynta ka Independence Day, heijooh i por leh da kyntu u ya ki khon ka chnong u man ki kiwa chongsuk chongsaaiñ deiwa kiar ki na i Drugs khamtam ha kini ki sngi wa da boon kiwa da chah ngat hei pynemkaam ya ini i jait dih pynmuaid.

Neiliang u CEM hawa e yei klam da e khublei u ya ka chnong ha kani ka sngi wa kyrpang wei da pynmoo u leh ya u Mahatma Gandhi uwa da pynlaitlooid ya ka ri India.

Ha kani ka lehkmen da em ki yalehke waphær waphær kam ki March Past, ki Drill, ki rwai, ki chaad na ki khynnah skur wei ha ka March Past da yoh nyngkong da ka Wahiajer Presbyterian Secondary School, hei wa ar da yoh da ka Seiñraij Secondary School wei hei wa le da yoh da ka Wahiajer Government UP School.

Related posts

Daw sdang ya ka Scheme wow sumaar mynkna ya kiwa mynsoo nei tyrrah kari

January 9, 2026

Daw pynbna ya ki pyrtuid ki kyrtong MDC cha GHADC du hadien wa pynbna ya ki tarik: Vincent

January 9, 2026

Ha ka Lower Primary ka yaleh Drill da yoh nyngkong da ka Wahiajer Presbyterian LP School, wa ar da ka Corner Stone LP School wei hei wa le da yoh da ka Mainroad LP School wei ha ka Upper Primary da yoh nyngkong da ka Corner Stone UP School, wa ar da ka Lumbhahdakha SSA UP School wei hei wa le da ka Wahiajer Presbyterian UP School.

Da pynkut da ka yalehbol ki Executive Member yong ka chnong Wahiajer kitæ hapyrdi ka Mihsngi pyrchah ya ka Sepsngi.