Ka Dongneiñ Youth and Cultural Sports Club Sohmynting, West Jaiñtia Hills District ynne ka sngi da chimbynta lang ko wow pynman i lehkmen ya ka sngi yoh laitlooid ka ri namo ka Independence Day kamwa da leh ha kylleiñ ki thaw yong ka ri India.
Ya kani ka lehkmen Independence Day da pynman ha madan Ktiehheh Sohmynting, heiwa kiwa kreh Anganwadi da chim ki ka bynta u pynhær ya ka lama ka ri wei bood sa i rwai ya ka National Anthem da waroh kiwa emlang ha kani ka thaw wa kynthup nadooh kiwa kreh Aganwadi, ASHA, Mid-Day Meal, Muster Roll wa kiwi najrong kiwa chong chnong khynnah wa waheh.
Ha ka yalang wa pynlai da u Sumarlangki Kyndait uwa man u President yong ka Youth Club, da yoh i klam na uwa yahkhmat Dorbar Dongneiñ Pyllun namo u Chairman, u Jalius Shylla, i klam na u Wompher Tariang, Assistant General Secretary Dorbar Chnong Sohmynting, i klam na u Wailad Suting, Ex-Chairman Dongneiñ, katwa naka seiñ kynthai da klam ka Rose Kyndait, President Village Organisation.
Hadien ka yalang lehkmen, ki seiñ kynthai SHG/VO da chimbynta ki u pynkhooid deiwa pynlum pynlang Plastic ha ki sarok wa ha madan Ktiehheh.
Da pynchongchit ya kani ka sngi da ka yakob yalehbol.
Discussion about this post