Hukum ka Supreme Court wow pyndooh pynwiar noh yei dur wa ki Video ka Doctor wa chah tynyap ha Kolkata 

Ka Supreme Court ka India ynne da hukum ko wow pyndooh pynwiar noh yei pyrtuid, ki dur wa ki Video ka Doctor wa chah slaitbor wei chah tynyap ha RG Kar Medical College and Hospital, Kolkata na waroh ki rynsaan Social Media.

Ka Bench wa khlieh da u Chief Justice D Y Chandrachud da ong ko wa i pynmih ya ini heiyatoh wa kawa chah slaitbor man i pyrchah ya ka rai ka yung bichaar katkam ka hukum na ka mukotduma ka Nipun Saxena.

ADVERTISEMENT

Da ong wa ki dur wa ki Video yong i met kawa da khlaad wa da poor ha ki Social Media toh u pyndooh pyndam lut ya ki.

Ya kani ka rai da da chim katkam ka mukotduma wa ujor da ka Kinnori Ghosh wa kiwi wow pyrchah yei pynmih iwon iwon heiyatoh wa kani ka Doctor ha ki Social Media. 

Related posts

Psiah kiwa boon cha ka NPP ha Jowai Constituency deiwa ong wa yoo ya ki kaam wa bha u MLA

October 15, 2026

Yoh ka Nongstoiñ ya ka MCH Hospital deilang ki sarok kiwa chongdor da ki spah klur

October 15, 2026

Chwa ini, ynne ka sngi ka yung bichaar da sñiawkhia ko yei poor i dur wa i pyrtuid kani ka Doctor ha ki Social Media.

Ha u 2018 ha ka mukotduma ka Nipun Saxena, ka Supreme Court da ong ko wa ym em u bru wa ye u pynmih la heiwon heiwon ya i dur wa i pyrtuid yong kiwa chah ktah hanla man ha iwon iwon i rukom iwa ye wow khana pyrthai chaphang kiwa chah ktah.