Kyntait ka Khanduli wa ki 2 ngut wa chah kem ha Pongtung toh kiwa na ka chnong

Ka Dorbar Chnong Khanduli da beiñ joor ko ya i kam ki 2 ngut ki bru wa chah kem ha chnong Pongtung ryngkat wa ka kari Bolero Pickup wa em Number ML-05AC-3601 ha i miet ka 22 tarik uni u bnai wa ki toh na ka chnong Khanduli.

Ka Dorbar Chnong da ong ko wa i kam yong ki wa toh kiwa na Khanduli toh i wow pynsih pyrtuid hi-eh ya ka chnong khlem kawon kawon ka yurim.

Kamtæ da kyntu ya ki bor pulit wow pyntikna chwa ya i thaw sah wa tikna ymtoh kamwa da pynemkaam ha kani ka sngi.

Ka Dorbar Chnong Khanduli da maham joor ko ya kiwon kiwon kiwa pynemkaam bakla ya i pyrtuid ka chnong wei lada chem ya kam kitæ, ka chnong daw leh ko deiwa khor.

Related posts

Dai pyrchah aiñ cha u baar jylla yei thaw wa em ha Daistong yow sdang ya ka Shree Cement: JNC

November 28, 2025

Chem ka KSU lyngba ka RTI wa u VC ka Law University pynlut u Rs. 3 lak kam ka bai kiad | Rs. 15 lak tam hei lai i wan

November 28, 2025

Chooh chooh ka dorbar chnong kyrpaad ko ya ki bor ka aiñ wow pyndam næ pyndooh noh ya i thaw sah yong kini ki bru wa chah kem kam kiwa na Khanduli neibhah wa man i du wow dai sarom ya ka chnong.

Puræ leh: Chah kem kiwa na Khanduli ha ki BSF