I yakhih wa tip kam ka ‘Nabanna Abhijan’ ha Kolkata ynne da joor bha i hadien wa mut ki paidbah u lai cha State Secretariat wow dawa hiar chuki ya ka Chief Minister ka West Bengal, ka Mamata Banerjee.
Ini i yakhih man i chibynta wow pyrchah yei chah slaitbor wei chah tynyap ka Doctor ha RG Kar College and Hospital, heiwa da sdang i yakhih na College Square wei da chimbynta da ki seiñ ki khynnah puræ wa kiwi kiwi.
Katwa dang lai ki paidbah cha Secretariat da sdang i pynyoo bor heiwa da tympiah ya iwa da ker (Barricade) wei da kawang moo hadooh wa hap siat ki pulit da ka um, ki Tear Gas wa kiwi kiwi.
Chooh chooh neiliang ki bor sorkar da booh ki hadooh 6,000 ngut ki pulit wow kah ya ka luti heiwa ki pulit da sympat lathi ki leh ya kiwa yakhih hajan Howrah Bridge.
Ini i yakhih da pynman da ka Paschim Banga Chhatra Samaj wa ka Sangrami Joutha Mancha kiwa da dawa hiar chuki ya ka Mamta Banerjee.
Ka BJP leh da sñiawkhia ko yeini khamtam wa da chlai ki sarok da kiwa yakhih.
Katkam wa man katni ka nongbah Kolkata dang man ko kawa chong syir bha.
Discussion about this post