U General Secretary ka KSU, u Reuben Najiar da ong u wa ka seiñ daw ujor ko pyrchah ya ki damok kiwa da thmu wow thombor da ki wait wa ki moo heiwa da ong u wa da maham leh ya ka chnat pulit wa lada ym leh ko iyi iyi hadien wa da ujor, ka seiñ daw chim ko da kiwi ki laad ki luti.
Kam wow kdaw heini wa ynne ka sngi, ki dkhot ka KSU da hiar ki cha Daistong yow yachem wa kiwa chong chnong kiwa pyrchah ya ka Shree Cement wei kamjooh wow lai pait ya ki thaw rep kiwa da chah pynsih, tangwa ha i por wa liwan ki, da chah khang luti ha ki bru kiwa rah deilang ki wait wa ki moo heiwa da jan mih i pynyoo bor markylliang.
U Reuben Najiar da khana u wa uwi na kini ki damok da thmu u wow pam da ka wait ya u dkhot ka KSU, wei da phylla leh wa kini da khut ki wow lai cha ka Camp wei hawa lai da em ki pulit ki wym em leh iyi iyi leh iwa pynyoo yei ya krehlang ki Mafia wa ki pulit kamwa man nadooh nachwa, neibhah ki pulit e laad ki ya kini ki bru wow yut ki.
Discussion about this post