Ki dkhot yong ka Khasi Students’ Union (KSU) da lai ki wow ujor FIR ha yung krehkaam u Superintendent of Police ka East Jaiñtia Hills District hajrong i chah khang luti ha ki bru wa rah wait wei rah moo katwa dang liwan na Daistong yow lai yachem won ya kiwa chong chnong ka Shnongrim kiwa pyrchah ya ka Shree Cement.
U General Secretary ka KSU, u Reuben Najiar da pyntip u wa hawa lai cha ka yung krehkaam u SP yow booh FIR, tangwa da man ko kawa doom ngiaw ngiaw ngaw ngaw heiwa u SP leh ym em u tangwa da yachem wa u Additional SP yow batai ya iyi wa jia.
Da ong u wa ka FIR da hap wow phah noh lyngba ka email wei daw lai booh ujor leh ka sngi nyngkong wow wan.
Da khana u wa ka seiñ da batai che ko wa wot ki dkhot ka KSU da chah maham ki ha ki bru ka Shree Cement ym tip de hadooh katwon won ya kiwa chong chnong, kamtæ da dawa na ki pulit wow lai e yei chngaaiñ ya kiwa chong chnong.
Discussion about this post