Kam chibynta wow lehkmen ya ka National Sports Day, ka yung krehkaam ka District Sports Officer, East Jaiñtia Hills District deiwa ya krehlang wa ka yung krehkaam u Deputy Commissioner, East Jaiñtia Hills District ynne da pynman ki ya ka Open Marathon neibynta kiwa chong chnong ka East Jaiñtia Hills District deiwa lai phet nadooh na yung krehkaam warim u Deputy Commissioner cha Rymbai PHC wei deiwa uiñ biang cha i thaw wa sdang.
Ini i phet toh iwa jrong 8 Km wei da wan wow chimbynta chongchit da ki khynroo khyllood ka District heiwa ha ki chynrang da yoh nyngkong da u Knerlang Phawa, hei wa ar da yoh u Rishan Meki Ryngkhlem katwa hei wa le da yoh u Sting Phawa.
Ha ki kynthai da jop ka Phyrnai Kyndait, hei wa ar da yoh ka Rosy Sana katwa hei wa le da yoh ka Lamsuk Phawa.
Kiwa yoh nyngkong da yoh ki Rs. 7000, kiwa yoh wa ar da yoh ki Rs. 5000 katwa kiwa yoh wa le da yoh ki Rs. 3000.
Hadien ini da pynman leh ya ka yalehke Volleyball hapyrdi ka liang ka East Jaintia Hills Team waka Deinchynrum Team ha Deinchynrum Playground heiwa da jop da ka Deinchynrum.
Discussion about this post