U MLA ka Amlarem, u Lakhkmen Rymbui, hapoh ka yung dorbar ynne da ong wa ki yakob khwe dakha wa pynman hapoh ka jylla toh kiwa hadooh 500 tylli ha ka chi snem wei yow ye u leh yeini, kamwa 3 lak kilo ki dakha da wanrah na baar ka jylla.
Hajrong ini da ong u wa ka sorkar toh u pynchlur ko ya kiwa pynman ya kini ki yakob khwe dakha wow thied dakha na kiwa psan dakha wa em hapoh ka jylla hi neibhah kini kiwa pynman khwe dakha da ki klur tangka pynlut ki yow wanrah ya kini ki dakha.
U Montri Rangbah, u Conrad Sangma hawa e yei jubab da ong u wa kamwa man kattæ ym pu em da ka aiñ wow pait ya kini ki yakob khwe dakha wei ki DC toh kiwa e bor kamwa man kattæ yow pait yeini.
Da ong u leh wa ka sorkar dang pynkhreh ko kammon wow em da ka aiñ yow pait yeini wei ye leh wow booh kyndon wa hap ki wow thied ya ki dakha napoh ka jylla hi.
Tangwa da ong u wa kamwa man kattæ dang duna 12,000 MT ki dakha wym ye u pynmih hapoh ka jylla yow pyndap yeiwa emkaam u baam.
Discussion about this post