I wym yoh laad wow pteiñ wow booh ya ki yukylli pynrap ynne ka sngi hapoh ka yung dorbar, da pynman ya u MLA ka VPP na Nongkrem, u Ardent Miller Basaiawmoit wow khñium deiwa ong da ka ktien Khasi, ‘Thait Leh’.
Ini i khñium u Ardent toh heipor wa kylli chooh chooh yeiwa wanrah da u Mayralborn Syiem uwa man kam u MLA na Nongpoh heiyatoh i yarap lyngba ki Scheme sorkar ya kiwa psan dakha hapoh ka jylla.
Ya ini wa da kylli da jubab da u Montri Rangbah, u Conrad K Sangma wei da chimbynta lang leh da u Lahkmen Rymbui wa u Ardent wei ini waroh da chimpor hadooh kamwa chiteiñ kynta wow jubab wei wow ya kylli.
Kamtæ neiliang u Lamphang ka Yung Dorbar, u Thomas A Sangma hawa khang noh wow yatai deiwa ya kylli chooh chooh neidaw wa da chimpor hadooh 26 minit du ya ini iwi donhi i kaam, kamtæ da hap u wow pynsñiawthooh ya kiwi kiwa kwah wow kylli wa dang em leh kiwi ki yukylli wa emkaam kiwa dang em chadien wei hadien ini da e laad u ya u MLA ka VPP wow kylli u sa iwi.
Neiliang u Ardent da pynsñiaw u yei pyrchah hajrong ini deiwa ong wym em tyngkheiñ u ya kawon kawon ka kyndon dorbar deiwa ong leh wa man-i-por da chah khang u wow pynsñiaw yeiwa kwah u wei ini ym yahaap i deiwa ong ‘Thait Leh’.
Discussion about this post