Neiliang u BDO ka Wapung C&RD Block uwa pait leh ya ka Scheme MGNREGA yong ka Lumshnong C&RD Block, kwah u wow pynche hajrong i pynbaad ki VEC ka Lumshnong C&RD wym chah u tang wow pyndap ya ki Bill.
U BDO da ong u wa ya ki Bill waroh dadep su næ pynlait cha waroh ki VEC hadooh u Financial Year 2023-24.
Tangwa katkam wa pynbaad ki VEC dang sah (Pending) ki Bill nadooh u snem FY 2021-22, 2022-23 wa u 2023-24 wei kini toh ki kreh wa sahteiñ na ki VEC wa slem ki u pyndep yei kreh weiwa slem ki u lai e (Submit) ya ki Bill neiliang yong ki cha ka yung krehkaam u BDO, wei ya kini ki Bill leh dadep pynpsiah (Enter) hapoh ka MIS ha u snem 2024-25 wei u ye u pynlait manda yoh ya ka poisa (Fund) yong u snem FY 2024-25 donhi.
Ka Fund wa yoh ha u FY 2023-24 leh da pynlait cha ki VEC kiwa em ya ka Bill yong utæ u snem donhi. Katwa ki Bill won yong ka Lumshnong C&RD toh ki Bill yong u FY 2024-25 kawa daw su won hadein wa yoh poisa (Fund).
U BDO da ong u wa man ko iwa phylla neibhah yeini dadep pynche dadep pynsñiawthooh cha waroh ki chnong ki VEC wa haap hapoh ka Lumshnong C&RD wei ye u ong wa boon ki VEC kiwa sñiawthooh ya kani tangwa em du kattu katni donhi ki VEC kiwa em itæ i pynbaad.
Kamtæ da kyrpaad leh ya kitæ ki VEC wow wan ki cha ka yung krehkaam wei wow rah ya kitæ ki Material Bills yong kitæ ki snem wa dang sahteiñ nadooh u snem 2021-22, 2022-23 wa u 2023-24 khnang yow yoh u pynche wei wow tip neibhah neiliang yong u BDO dadep pynlait lut u ya ki Bill hadooh u snem 2023-24 lait noh ki Bill wa sahteiñ na ki VEC hi neidaw wa slem ki u pyndep yei kreh næ wa slem u pynpoi cha ka yung krehkaam u BDO.
Puræ leh: Ym chah u BDO wow pyndap ya ki Bill ki VEC ka Lumshnong C&RD Block wot hawa dadep kreh
Discussion about this post