Lada ym ye u e 50:40 e bait 90% neibynta ki Khasi Jaiñtia wa Garo: KSU

Ka Khasi Students’ Union (KSU), ynne da lai pynsñiaw ko ha ka Expert Committee hajrong i pynbait thymme biang ya ka aiñ bha kreh namo ka Reservation Policy.

U President ka KSU, u Lambokstarwell Marngar hawa yaklam wa kiwa thoh khubor da ong u wa ha i yachem wa ka Expert Committee ka seiñ da ban ko wow e bhah 50% ya ki Khasi-Jaiñtia wei 40% ya ki Garo lane deiwa e lang bait 90% neibynta ki Khasi, Jaiñtia wa Garo.

Da ong u wa ka KSU da e yumut ko leh wow pyndooh noh ya ka rukom thung kreh deiwa kheiñ ya ka Backlog namo kiwa sah khlem da em wa yoh, wei man-u-snem toh u thung thymme ha ki kaam wa lait, yow lait de u man i daw wa tkhoh ha i thung kreh.

Da ong u wa ka seiñ da yaklam ko leh hajrong ka bhah ha ka puræ puthi, deiwa yooluti wa ka Reservation Policy da toh u pynbha katkam wa lai i por.

Related posts

Da wai ya ka Digital Learning Centre ha District Library Jowai wei sdang leh yaka Book Fair wa ar sngi

March 6, 2026

Yoh ka chnong Jowai ya ka Digital Learning Centre ka wow yarap leh ya kiwa yakhun IAS

March 6, 2026

U General Secretary ka KSU, u Donald V Thabah da ong u wa da pynsñiaw leh wa ha ki kaam sikai toh u e chwa cha ki Khasi ki Jaiñtia kiwa em ha Khasi wa Jaiñtia Hills katwa ha ki skur kiwa em ha Garo Hills toh u e cha ki Garo wow hikai, khamtam ha ki Class kiwa dang sdang skur.