Khana u MLA ka Ranikor wa i psiah BJP toh du hadien wa kular u Amit Shah wow pynkrehkaam ya ki 5 tylli ki mat dawa

U MLA ka Ranikor, u Pius Marwein da e khublei u ya u Speaker ka Meghalaya Assembly wa da tipmit u yei psiah noh ki 8 ngut ki MLA cha ka BJP iwa da leh katkam ki kyndon ka 10th Schedule ka Constitution.

Da ong u wa ini i lai psiah ki 8 ngut ki MLA cha ka Party wa heh dooh hapoh pyrthai ymtoh iwa suk heiwa ka Meghalaya toh ka jylla wa khian wei dapoi che yaklam neibynta ki mat wa kongsan ka jylla.

ADVERTISEMENT

U Pius da ong u wa da chah jied u ar sien kam u MLA wa u MDC wei da em u ha ki kaam Politics la 20 snem heiwa da chem wa man iwa eh bha u booh kular da kiwa yahkhmat ka jylla hawa da ksoh yei bor da ki aiñ ka sorkar pyrdi wei man ko iwa eh chooh chooh lada ym em yatoh wa ka sorkar pyrdi.

Tangwa da ong u wa kiwa yahkhmat ka BJP kiwa em ha ka sorkar pyrdi da bien ki wow pynchah yei chkoor yong ki yow ap yeiwa da dawa nadooh ka aiñ MRSSA, i kynthuplang ya ka ktien Khasi wa Garo hapoh ka 8^th Schedule, i kaam wa yatoh wa u mooyong, i kyrriah ya ki Sikh napoh ka Harijan Colony wa u tipmit ya ka Seng Khasi wa ki Niamtre kam ki niam khian paaid.

U Pius da khana u wa hadien boonsien i yaklam ha Delhi wei hei khaddooh u Home Minister, u Amit Shah da e u yei kular neibynta ki 5 tylli ki mat dawa iwa da pynman ya ki wow ngait yeini wa ong u heh ka ri heiwa da psiah noh ki cha ka BJP kawa da yahkhmat da u Prime Minister Narendra Modi.

Choo chooh u Pius da ong wa phylla wow yoo hadooh katwon wa suk u yachem wa kiwa yahkhmat ha Delhi ymtoh kam heipor ka Congress wa hap yang da ki snem wow yachem wa uwi donhi u Montri ka sorkar pyrdi.

Related posts

Dei kreh sorkar u e cha ki yung kiwa yap ha iwa jia ha ka Durga Puja Pandal ha Kolkata

October 18, 2026

Hajan ka Mandir chah kawang Petrol Bomb kawi ka Scooty ha Shillong

October 18, 2026

Da e khublei u leh ya u Sambit Patra, MP uwa man leh kam uwa pait ya ka BJP Northeast uwa da embynta wow ap u sñiaw yeiwa da dawa na ki chnat ka sorkar pyrdi wei da kyrmen u leh wa deiwa ya krehlang wa kiwa em hapoh ka NDA hapoh ka sorkar jylla leh khamtam wa u Chief Minister, u Conrad Sangma daw ye wow wanrah ya ka roi ka paar hapoh ka jylla.

U Pius da ong u wa waroh ki 8 ngut ki MLA daw lai yachem ki wa u Amit Shah wa kiwi ki Montri ka sorkar pyrdi ha Delhi yow wanrah ki kaam pynroi hapoh ka jylla wei neiliang yong oo samen daw lai pynche u cha ki thaw wa em cha palatsor ya kiwa boon ki Scheme ka sorkar pyrdi kiwa e yarap ya kiwa em cha ki chong wa em cha palatsor.