Ha ka 5 tarik uni u bnai, u President ka MPUF, u Dapoi Wanmi Laloo da ujor FIR u ha Jowai Police Station pyrchah ya ki bru wa Comment ha u Facebook Page u Wyrta heiyatoh wa ka khubor ki Chi Iung.
Ynne ki ar ngut ki bru wa chah ujor, u S. Dhar wa ka B. Dkhar da wan mih ki hakmat u OC ka Jowai Police Station wow pynche yeiwa da thoh ki deiwa ong wa khlem em i thmu wa sih.
U Dapoi da ong u wa i Comment kini ki bru da ktah bha i yei burom yong oo wei da pynche u wa ym em yatoh u iwon iwon leh wa ka khel nasib ka Chi Iung.
U S. Dhar da pynche u wa lada em kiwa sñiawsih nei Comment yong oo ymtoh u sñiawphær wei neiliang ka B. Dkhar won da ong ko wa ym em mut ko deiwa sih hajrong i Comment yong ka.
Neiliang u Dapoi dei mynsien wa sñiaw para bru, da pyndam noh u ya ka FIR wei da maap u ya kini ki bru.
Discussion about this post