Ka seiñ KSU Narpuh Circle da pynyoo ko ya ki sakhi satar wa u sarok NH-6 ha ka thaaiñ Narpuh toh uwa sih chooh chooh iwa da yoo chyrkhei deiwa em ki thlu wa yillu iwa da ktah yei lai i wan wei kamjooh leh da em ki kari wa da kylla.
Katkam ki dur wa da yoh, da em ka kari kawa da lai ha iwi i bynta wa dap um ha pyrdi sarok khlem da yooluti wa da man i kam ka nan khian heiwa ka um da tymmoh ko ya ka chaka khmat kani ka kari.
Da em leh kawi ka Truck wa kit mar kawa da kylla dei chrooh.
I lai i wan na uni u sarok da man sakhiat iwa maa bha ya ki bru kamjooh ki kari heiwa da hap wow thooh neiwon wa hoi wei manda lai leh, chong hei bok i nasib yow lait u jia iwon iwon wym poi pyrkhat.
Kiwa chong chnong leh da ood da naam ki wa kammon da hap ki wow chah yeini i chitom khlem em wa ap chkoor wa yoo wyrai ya ki wot hadien wa kani ka kaam dapoi ko chadooh ka High Court tangwa ym ye wow pynkhih ya ki bor wa toh u pait.
Kiwa boon da kylli ki sa katwon bnai katwon snem u hap ki wow chah yeini i kthang wot hawa uni u sarok man u kam u National Highway, u budloom wa pynyabi leh wa kiwi ki jylla.
Discussion about this post