Iyi i thmu ka sorkar wow kyrriah ya u Arunkumar kam u DC ka WJH : JSU (SC)

Jowai: Ka Jaiñtia Students’ Union (Shillong Circle) lyngba u President yong ka u E.C. Dkhar da ong u wa ka seiñ da khyrngiat ko hawa tip ko yei chah kyrriah syndet u DC ka West Jaiñtia Hills District u Arunkumar Kembhavi cha West Khasi Hills.

Ini i leh ka sorkar da pynsñiawsih ko ya ki paidbah ka ri-loom Jaiñtia waroh ka wi da ong ka seiñ. Kamtæ da kyntu ko ya waroh ki MLA ka ri-loom Jaiñtia wow bichaar bha ki dei miat ya uni u bru uwa kreh hok neibynta ka imlang sahlang yow pynneh biang ya oo kam u DC ka West Jaiñtia Hills.

Ka seiñ da e nongmuna ko yei yarap u Arunkumar ya kiwa dooh kreh hanlada toh i hok yong ki neidaw wa ym em khooid i jied kreh ha ka DSC wei da pyrchang u pynkhooid ya ka.

Da yaroh ka seiñ leh yei pynemkaam u ya ka WhatsApp wa ka Facebook wow yohlaad ki paidbah wow ujor ya kiwa boon ki eh i khoo wa chem ki heijooh i por leh da ong ki wa da pynyoh u ya ka dawa wa rim ki khynnah puræ ka KNGC deiwa pynyoh T. 2 klur yow chna ya ki kamra puræ wa thymme.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Kamtæ ka JSU da kylli ko i yi i thmu ka sorkar wow kyrriah ya uni u DC khlem yoh u pyndep u yei por yong oo iwa 3 snem la dym toh wow pyndooh ya i roi i par hawa dang boon ki kaam wada sdang u ym yoh u pyndep ki.

Ka JSU da kyntu ko leh ya ki paidbah kamjooh ya ki seiñbhalang wow kreh lang ki yow pynneh ya uni u DC hadooh wa pyndep u ya ki 3 snem wa toh i hok yong oo.