Uwi u bru wa u pyrsa u da chah siat yap ki heipor wa lehkmen Diwali hakhmat yung ki ha Shahdhara, Delhi wei da kem ya uwa dang 17 snem uwa da su ya uwi u bru wow leh yeini i kaam neidaw wa kajia poisa.
Ini da jia i heipor kamwa 8:00 waje i miet wei da yoh wow riñ leh da ka CCTV.
Ha ini i Video da yoo ya u Akash Sharma (44 snem), u pyrsa u uwa tip kam u Rishabh Sharma (16 snem) wa u Krish Sharma (10 snem) uwa man u khon u Akash uwa yieñ ha dwar wei da yoo wa lehkmen Diwali ki hakhmat yung wa em hakhmat u sarok wa khian wei da wan ki ar ngut uwi da ka Scooty katwa uwi won dei kjat.
Uwa 17 snem da yoo wa wan u da kawi ka Scooty wei da tba u yei kjat u Akash katwa uwa siat da yieñ u ha rood wei mar ya oo u wa psiah u Akash chapoh yung da sai Pistol wei siat u kamwa 5 kuli ya u Akash uwa da em chapoh yung heiwa u u Krish leh da mynsoo u.
U pyrsa u Akash uwa dang dem yow pynriam Diwali hawa jia ini, manda sñiawthooh u ye yeiwa jia, da kdong u ya kini ki bru tangwa oo leh da chah siat u hadooh wa yap.
Ki pulit da pyntip ki wa uni uwa 17 snem toh uwa dang emyatoh u wa u Akash uwa da chim ram na oo Rs. 70,000 tangwa ym su de u ka wei ym bien u tang wow jubab Phone leh.
Chooh ki pulit da pyntip ki wa uni uwa 17 snem da pynkhreh u da ki sngi chwa wow leh yeini.
Neiliang kiwa ha-yung u Akash da kyntait ki yeiwa sah ram u deiwa ong wa tipmit ki ya uni uwa 17 snem wei toh oo uwa jooh paan ram na ki.
Discussion about this post