Chah jied 27 ngut ki wow yaleh yow mihkhmat ya ka U-16 ka Meghalaya Cricket Association

27 ngut ki khynnah chynrang da chah jied ki neibynta ka Final Selection Trials yow jied kiwon ki wow yoh u mihkhmat ya ka U-16 ka Meghalaya Cricket Association ha ki yalehke ka BCCI 2024-25 Domestic Season.

Ka MCA da pynbna ko yei pyrtuid ki khynnah chynrang kiwa da pyndep ya ka TW-3 Age Verification Test wei kattu daw chimbynta ki ha ka Final Selection Trials kawa daw pynman ha Shillong nadooh ka 14 tarik hadooh ka 17 tarik uni u bnai heiwa ha ka sngi sdang daw hap wan ki heipor 7:30 i step.

Manda pyndep ya kani ka Trial daw jied 15 ngut deilang wa ki Standby wei daw pynman ya ka Preparatory Camp nadooh ka 18 tarik uni u bnai hadooh ka 2 tarik u bnai wow wan ha Nongkhrah, Ri-Bhoi chwa wow sdang ka Vijay Merchant Trophy ka BCCI.

Kiwa da chah jied: Mannan Surana, Krishiv Chaudhary, Raunak Srivastava, Samelawan S Nongkseh, Manbhalang Marshillong, Chingring K Marak, Aryan Kumar Ray, Sameer Chaudhary, Eshan Siangshai, Benhaden N Marak, Doangkam Ch Marak, Abhijit Chanda, Jakrasil Chuseng R Marak, Abagtha Marak, Joseph Mathew, Chukam Matsram D Shira, Damechua Khongsngi, Hriday Chettri, Jamesbirth Ch Sangma, Trejosh Dey, Trijal Agarwal, Mewankitbok Kharpuri, Udit Pradhan, Gurjit Singh, Everbloom Nongrum, Aryan Tomar, Aadit Pradhan