Lai e yarap ka Seiñraij Jowai cha ka CMRF neibynta kiwa chah ktah hei chlai um ha Ri-loom Garo

Ynne ka sngi ka Seiñraij Jowai kam chibynta i rap kylliang i chaan kylliang da lai e yarap ko cha ka Chief Minister’s Relief Fund (CMRF) deiwa e da ka Cheque wa Rs. 1 lak ha u Dy. CM ka jylla, u Sñiawbhalang Dhar.

Ya ini da leh hapoh i yahkhmat u Vice President, u EMH Passah wa u General Secretary, u Arwotki Sumer hei emlang u Asst. Secretary, u Wyraiki Kharbuki wa kiwi.

Kam wow kdaw heini neiliang u Chief Minister ka jylla, u Conrad Sangma ini wadep da kyntu u ya ki paidbah wow e yarap cha ka CMRF hadien wa jia i chlai um ha Ri-loom Garo heiwa da dooh hadooh 17 tylli ki mynsien wa kordor.

Neiliang u Arwotki Sumer da ong u wa ini i lai e yarap cha ka CMRF toh kam chibynta i rap kylliang i chaan kylliang ya ki paralok Garo khamtam hadien wa kyntu u CM wow e yarap hadien i chlai um.