Ym ye wow pyndam kreh hi-eh kamtu ya u Registrar wa u Dy. Registrar, pynche u VC ka NEHU

U Vice Chancellor ka North Eastern Hill University (NEHU), u Prof. Prabha Shankar Shukla da ong u wow pyndam kreh ya u Registrar wa ya u Deputy Registrar yong ka NEHU ymtoh iwa suk kamwa da dawa da kiwa puræ hapoh ka lama ka NEHUSU, neibhah yei thung kreh da leh hadien wa bichaar bniah wa lyngba ka Interview.

Hawa klam wa kiwa thoh khubor ynne hajrong i kynrum kynram wa da mih ha skurbah NEHU ha kini ki kajiak sngi, u VC da ong u wa i kynrum kynram ye wow pynbait du deiwa yaklam deiwa pynsñiaw leh wa man u uwa smat wow yaklam wa kiwa yakhih ha NEHU.

Hawa yatoh wa i dawa pyndam kreh ya u Registrar wa u Deputy Registrar (Academics), da ong u wa ym ye wow leh yeini neibhah da thung ya ki katkam ki kyndon krehkaam ym deiwa jied næ thung da uwon uwon.

Hajrong i thoh yong ka NEHUSU, NEHUTA wa NEHUNSA cha ka sorkar India wa kynthup leh cha ka yung krehkaam ka President yong ka ri, u Prof. Shukla da ong u wa lada ka sorkar suba ko wa em i wym pynlai bait ya kani ka skurbah, ye wow thung ya ka kynhun takit. Da khana u wa hadooh kattæ ym pu em iyi iyi wa wan na ka Ministry næ na ka President yong ka ri.

Related posts

Sangeh yakhih ka MCTODA | Da e por ya ki karkhana Coke 10 sngi

May 9, 2025

Siat ka Pakistan ya ka skur wa pynlai da ki Nun hadooh wa yap ar ngut ki khynnah

May 9, 2025

Da ong chooh chooh u wym ye wow beh hi-eh kamtu ya kiwa kreh wa da thung da ka sorkar khlem da em ki daw kiwa biang, wei lada biang ki daw leh, hachwa wow chim yei kreh næ wow leh iyi iyi toh wow thung chwa da ka takit, ym wow leh hakdak.