Da pynkrehkaam sa ka Section 163 BNSS ha ka yingkieñ wa em hajan laad Demthring

U DC ka West Jaiñtia Hills da pynmih hukum u yow pynkrehkaam da ka Section 163 BNSS neibynta ka yingkieñ Bridge No. 211^th Km wa em ha u sarok Dawki-Amlarem-Jowai (DAJ) Road ha i bynta wa jngai kamwa 200m na laad Demthring hawa lai cheiliang Amlarem.

Kani ka yingkieñ toh kawa dang pynchna da ka chnat PWD kattæ wei lada lai da ki kari ka khia daw ktah ko ya kani ka yingkieñ.

Neiliang u Executive Engineer ka PWD (R), Jowai Central Division da ong u wa kani ka yingkieñ ym man de u lai ki kari wa kit khia kattæ.

Kamtæ ha kani ka hukum, u DC da khang u wow lai ki kari wa kit palat ya 9 MT hadooh wa da pynbna da kamwi tawon neibhah uni u sarok toh uwa emkaam bha ya kiwa sah cheiliang Dawki cheiliang Amlarem wei ym kwah wow thut i lai i wan ki.