Ha ka Cherry Blossom Festival pynbna u Conrad wa u Scindia wow chna ya ka Mawkdok Skywalk

U Montri Rangbah ka Meghalaya, u Conrad K. Sangma deilang wa u Montri ka sorkar pyrdi wa pait ya ka DoNER, u Jyotiraditya Scindia ynnin heipor wa wan wai ya ka Japan Arena ka Shillong Cherry Blossom Festival, da pynbna ki wa daw chna ya ka ‘Skywalk’ ha Mawkdok, East Khasi Hills. 

Ka Mawkdok toh ka thaw wa ka’it bha kiwa uiñke suwari u sangeh hawa lai ki cha Sohra wei deiwa chna da kani ka Skywalk daw ye u chynna na jrong ya ki loom ki wah wa em ha kani ka thaw.

U Conrad da ong u wa ka sorkar kwah ko wow pyntipmit ya ka Meghalaya cha ka pyrthai wei ini i ya krehlang wa ka Japan toh iwa kyrpang bha heiwa kiwa na Japan leh ye ki wow tip chaphang ka Meghalaya iwa da yarap bha leh wow pynyatoh lok wa kiwi ki ri wa em ha Asia.

Da e khublei u leh ya ka Japan wa da wan ki wow pynyieñ pynyoo ya chiboon bha ki mar nadooh ki baam, ki sur, ki jait yalehke kiwa na Japan heiwa da emlang leh ki Sumo Wrestler.

Related posts

Pynbiang thaw chongdai ka sorkar ya kiwa jooh em ha rood ka Civil Hospital Shillong

January 22, 2026

Kem ya ki malik, ki tre paar ym du ya kiwa yah kari kit mooyong pyrchah aiñ: BJP

January 22, 2026

Ha kani ka sngi sdang da wan leh wow rwai da u Akon deilang wa ki Boney M.