Ha ka Cherry Blossom Festival pynbna u Conrad wa u Scindia wow chna ya ka Mawkdok Skywalk

U Montri Rangbah ka Meghalaya, u Conrad K. Sangma deilang wa u Montri ka sorkar pyrdi wa pait ya ka DoNER, u Jyotiraditya Scindia ynnin heipor wa wan wai ya ka Japan Arena ka Shillong Cherry Blossom Festival, da pynbna ki wa daw chna ya ka ‘Skywalk’ ha Mawkdok, East Khasi Hills. 

Ka Mawkdok toh ka thaw wa ka’it bha kiwa uiñke suwari u sangeh hawa lai ki cha Sohra wei deiwa chna da kani ka Skywalk daw ye u chynna na jrong ya ki loom ki wah wa em ha kani ka thaw.

U Conrad da ong u wa ka sorkar kwah ko wow pyntipmit ya ka Meghalaya cha ka pyrthai wei ini i ya krehlang wa ka Japan toh iwa kyrpang bha heiwa kiwa na Japan leh ye ki wow tip chaphang ka Meghalaya iwa da yarap bha leh wow pynyatoh lok wa kiwi ki ri wa em ha Asia.

Related posts

Pyndam ka High Court ya 6 tylli ki Case POCSO pyrchah ya ki chynrang hadien wa booh ki kynthai yei kyrpaad

November 8, 2026

Thoh kiwa chet-ja skur ka Meghalaya cha u CM ka Assam yow yarap yaklam wa u Modi

November 8, 2026

Da e khublei u leh ya ka Japan wa da wan ki wow pynyieñ pynyoo ya chiboon bha ki mar nadooh ki baam, ki sur, ki jait yalehke kiwa na Japan heiwa da emlang leh ki Sumo Wrestler.

Ha kani ka sngi sdang da wan leh wow rwai da u Akon deilang wa ki Boney M.