Hap pynsangeh ya ka Physical Efficiency Test kiwa yalehkreh pulit

U Chairman ka Central Recruitment Board da pyntip u wa da chem wa em i duna hawa pynman ya ka Physical Efficiency Test (PET) ha 1^st MLP BN Mawiong Shillong wa ha 4^th MLP BN Sohpian ha kini ki soo sngi wa da lai itæ nadooh ka 18 hadooh ka 21 tarik uni u bnai.

Hadien wa da pyndep wow pait bniah da ka Central Recruitment Board, da rai wa kwah wa kani ka PET u man ko kawa lait na iwon iwon i bakla kamtæ da rai wow pynsangeh chwa chipor ya kani ka PET nadooh ka 22 tarik uni u bnai.

Ki tarik wa thymme wow pynman ya kani ka PET daw pynbna won ha ki sngi wow wan dei wym pyndooh yei hok yong kiwa yaleh kreh pulit.

Da kypaad leh ya kiwa yaleh kreh wow man kiwa yaichah yow pyntikna wa kani ka PET u man ko kawa khooid wei kawa man salonsar wei lada em kiwa kwah wow tip bniah ye ki wow lai cha ka yung krehkaam ka Central Recruitment Board wa em ha Mawroh, Shillong næ deiwa Phone ha u Helpline Number-6033164273.

Related posts

Rs. 2 lak e yarap ka sorkar cha ka Sanfida Nongrum kawa man ka kynthai wa nyngkong na Meghalaya wa yoh u thap kool ha ka AFC Women’s Asian Cup

March 7, 2026

Daw synraan ka US Navy ya ki jhaad kit phniang ha Strait of Hormuz

March 7, 2026