Mynsoo le ngut hadien wa iñ i yung wa 22 mala ha Mumbai

I diñ wa kop ha iwi i yung wa 22 mala ha Dongri, South Mumbai, da pynmynsoo i ya ki le ngut wa kynthup ya kawi ka pulit tymplæh diñ ynnin ka sngi.  

Ini i diñ da kop i ha ka mala wa 15 yong ka Ansari Heights heipor 1:30 i sngi heiwa ya ini i diñ toh i wa kheiñ kam i Level-3 Fire.

Heipor wa iñ ini i diñ da pdung leh uwi u kum LPG wei da sdang u poor i diñ cha ka mala wa 16 wa cha ka mala wa 10 hadien wa rah ka la-ær yei diñ.

Ini i diñ da man i iwa joor heiwa da chimpor hadooh 5:00 waje wow tymplæh ki.

Related posts

Khut ka Dorbar Chnong Loomsoo Iung, Newhill ya kiwa em thaw em yung hapoh chnong wow wan pyntipmit ki

November 28, 2024

Super Division: Jop ka Nangbah Mulang, khlem wa jop hapyrdi ka Wahiajer wa Ladthadlaboh

November 28, 2024

Neiliang ki pulit da pyntip ki wa da ye leh wow pynlait ya kiwa sahkut chajrong ini i mala heiwa da ye u sai ya ki 35 ngut.

Kiwa mynsoo kynthup ki ya ka pulit ka Anjali Amol Jamdade (35 snem) kawa kreh ha Mandavi Station ka Mumbai Fire Brigade kawa da mynsoo na tympha.

Kiwi kiwa mynsoo kynthup ki ya u Nasir Muni Ansari (49 snem) uwa da iñ 15%, u Samin Ansari (44 snem) uwa da iñ 22% wei ya kini da kit cha JJ Hospital, Byculla.