U lai leh Survey cha ki 6,426 tylli ki chnong ha Meghalaya yow jied ya ki wow yoh myntoi hapoh ka PMAY-G

U Montri Rangbah ka jylla, u Conrad K Sangma da pynbna u wa ka jylla man ko kawa da pynkhreh yow leh ya ka sorjamin namo ka Survey neibynta ka Pradhan Mantri Awaas Yojana-Gramin (PMAY-G). Wei ini toh hadien wa da pyndep u jied ya kiwa daw leh ya ka Survey cha kawi pa kawi ka chnong yow pynthymme noh ya ka Awaas+ 2018 List yow pyntikna wa waroh kitu ki manyung wa em hok wow yoh myntoi wym chah ieh ki chadien kamjooh kitu ki wym em pyrtuid hapoh ka Survey warim.

Ini toh hadien wa ka MoRD, Rural Housing Division da rai ko wow pynkrehkaam biang ya ka PMAY-G sa san snem itæ hadooh u 2028-29 wei ka Meghalaya kawa da ye wow poi cha ka thong daw man ko kawi na ki jylla wow sdang nyngkong ya kani ka Survey.

Nadooh wa sdang ya ka PMAY-G ha u 2016, ka Meghalaya da pynlait poisa ko yow chna ya 1,86,283 tylli ki yung katkam ka thong wa da booh hapoh ka 2018 Awaas+ Survey. Na kini da em 1,13,158 tylli (60.75%) ki yung wa dadep chna wei kiwa dang sah dang pynchna ki wei da booh thong wow pyndep u chna ha u bnai nyngkong u 2025.

Ka sorkar jylla lyngba ka State Rural Employment Society (SRES) kawa man kam ka chnat wa pynkrehkaam ya kani kawa em hapoh ka C&RD Department, da jied ko 6,354 ngut ki bru wow lai leh Survey neibynta ki 6,426 tylli ki chnong yow pynthymme yei pyrtuid kiwa em ha ka Awaas+ List deiwa pynemkaam ki kyndon thymme kamjooh ka eKYC yow pyntikna ya kiwa toh u yoh myntoi.

Related posts

Da jied ya u Robert Francis Prevost kam u Pope wa thymme

May 8, 2025

Pynkhreh ka sorkar wym duna baam ha Meghalaya lada toh joor ka thma

May 8, 2025

Waroh kiwa toh u yoh myntoi toh u em ki ya u Aadhaar Card, MGNREGA Job Card, Bank Account, Swachh Bharat Mission (SBM) Number, Voter ID, ST Certificate deilang ka Affidavit wa pyntikna wym em yung ki da iwa pura.