Ar ngut ki baar ri da yap ki ha ka Swimming Pool ka Five-star Hotel ha Bengaluru ynnin i miet ka 30 tarik heipor 11:30 heiwa kiwa yap toh uwa 57 snem na Germany wa uwa 45 snem na Slovakia wei ini da jia i ha Conrad Hotel ka Hilton Group.
Ha ini i jia uwi u bru na USA wa uwa kreh Pool Attendant da mynsoo ki katwa pyrchang wow yarap ya ki ar ngut.
Ini da jia i ha ka Swimming Pool wa em ha ka mala wa le wei kiwa yap kynthup ki ya u Alexander Maximilian Theiss uwa kreh wa ka Lufthansa Airlines wa u Juraj Horvat uwa man kam u Project Manager ka IBM.
Kini ki arngut da lai yimpa ki ha ka Swimming Pool tangwa da chah riñ bordiñ ki wei u nong USA wa 41 snem wa tip kam u Mathew Desantis wa u Pool Attendant wa Rahul Tiwari uwa 28 snem da mynsoo ki katwa dang pyrchang u yarap ya ki ar ngut.
Ya kiwa mynsoo da kit cha Manipal Hospital wow yoh ki yei sumaar.
Ki pulit da Register ki ya ka Case wei i takit da man iwa lai bait yow tip kammon poi bordiñ cha kani ka Swimming Pool.
Ka Conrad Hotel toh kawa 24 mala yong ka Hilton Group heiwa ka bai sah man ko Rs 25,000 chi miet.
Discussion about this post