Ieh kawi ya ki khon hapoh Auto du wow yut wa uwi tawon u bru chirup wa i ksiar i rupa wa Rs. 22 lak

Kawi ka bru da ieh ko ya ar ngut ki khon hapoh ka Auto Rickshaw ha Saran District ka jylla Bihar wei da yut ko wa uwi tawon u bru chirup wa i ksiar wa i rupa wa Rs. 22 lak.

Ini da jia i ha ka 28 tarik uni u bnai ha Ballia More, Manjhi ka Saran District wei kini ki khynnah toh kiwa le wa ar snem i rta.

Uwa yah Auto mar yoo ya kini ki khynnah da pyntip u cha ki pulit ka Manjhi Police Station kiwa da wan chimkti ya kini ki khynnah.

U pa kini ki khynnah, u Amit Singh da poi u ha Police Station wei da chim noh u ya ki.

U Amit uwa sah ha Pandeypur, Ballia District ka ka jylla Uttar Pradesh da ong u ya ki pulit wa da bia u la kamwa 6 snem ha Nawada hapoh ka Raghunathpur Police Station ka Siwan District.

Related posts

Yap ar ngut ki baar ri ha Swimming Pool ka Conrad Hotel ha Bengaluru

October 31, 2026

Ym bien ka High Court wow pyndam ya ka hukum yow kset 24 snem ya uwa slaitbor pyn ya ka khon nah

October 31, 2026

Da khana u ya ki pulit wa da yut ka kurim u wa uwi tawon u bru wa maya ko wei da rah ko yei ksiar i rupa wa Rs. 22 lak.

Neiliang ki pulit dang thooh ki ya kani ka bru kamjooh dang takit ki ya uwa yah Auto wei da pait ki leh ya ki Video CCTV ha kani ka thaw wa ieh ya ki khon khnang wow ye u pynsakhiat ya iwa jia.