Heiyatoh wa ka sngi wai pynem burom yei lehkmen dap 100 snem ka Dorbar Chnong Chutwakhu kawa daw pynman ha kani ka 10 tarik deiwa wan chimbynta u Montri Rangbah ka jylla, u Conrad K Sangma kam u kongsan.
Da pyntip wa da hap wow pynkylla yei por sdang na ka 11:00 waje cha ka 10:00 waje i step wei i thaw pynman u neh i jooh hi ha madan Jrisaleiñ.
Ka Dorbar Chnong Chutwakhu, Jowai da khut sñiawbha ko leh ya ki dkhot warim yong ka chnong kamjooh kiwa dang man kam ki dkhot kiwa sah cha jngai wow ya wan emlang ha katai ka sngi.
Ha katai ka jooh ka sngi heipor 7:00 waje i miet daw em ka Oldies Musical Evening neibynta wow pynkmen pynka-it ya waroh ki dkhot ka chnong kamjooh ya ki lok ki jor najan na jngai.
I pyntip na u P.W. Lyngdoh, Waheh Chnong Dorbar Chnong Chutwakhu.
Discussion about this post