Hadooh 10,000 tylli ki kuli Amphetamine yoh kem ki pulit ka East Jaiñtia na ki ar ngut ki kynthai

Ynne katwa dang kynreh kari ki pulit ka Ratacherra Anti Infiltration OP, da chem ya kawi ka kari Force Traveller wa em Number ML-05AC-2916 wa wan neiliang Assam wei hawa kynreh ya ki kot ki sla ki bru hapoh, kawi ka kynthai wa chong ha ka Seat No. 15 da pynsuba ko ya ki pulit wei hawa wai ya ki yusong ko da chem ya kawi ka Plastic rong yong.

Hawa wai ya kani ka Plastic da chem le tylli ki yusong wa da song da ki kot rong ktieh wei hapoh kini da em 25 tylli ki yudong rong Pink kiwa em 200 tylli ki dawai kuli hapoh.

Hawa takit da khana ko wa wan ko waka beikhian ko kawa chong ha ka Seat No. 1 wei ka leh rah ko ya ki song wa da murieh ko ha doh.

Hadien ini da yah ya ki cha Ratachera CP wei manda em ki pulit kynthai, da kynreh yaka beikhian wei da chem 25 Packet wa em 200 tylli ki kuli wa da murieh ha i labon yong ka.

Related posts

Neiwa muaid heipor yah thuk-thuk yoh kem ki pulit ya ki ar ngut | Chem ar tylli ki suloi wa chna hi

October 12, 2025

Hapoh 14 sngi u Chargesheet ki pulit ka Ri-Bhoi ya uwa slaitbor wei pynyap ya ka khynnah wa dang 13 snem

October 11, 2025

Manda leh ya ka Test da chem wa kini ki kuli toh ki Amphetamine heiwa na ka Esther Vunghoihching da yoh 495.66 grams (kamwa 5,000 tylli ki dawai kuli) wa na ka Nianenciin da yoh 496.41 grams (kamwa 5,000 tylli ki dawai kuli).

Ya kini ki ar ngut da pynngat hapoh ka aiñ NDPS Act.